Kombëtarja e Kosovës mbetet pa Edon Zhegrovën dhe Veldin Hoxhën para sfidës me Irlandën

Federata e Futbollit e Kosovës ka bërë të ditur zyrtarisht se dy prej lojtarëve të skuadrës përfaqësuese janë larguar nga grupi dhe nuk do të jenë të pranishëm për sfidën e ardhshme. Sipas komunikatës së lëshuar nga shtëpia e futbollit kosovar, trajneri Franco Foda ka marrë vendim që t'i lirojë nga grumbullimi futbollistët Edon Zhegrova dhe Veldin Hoxha. Në njoftimin e FFK-së janë sqaruar edhe arsyet e këtij vendimi për të dy lojtarët. “Zhegrova është liruar për shkak të lëndimit, i cili e pamundëson të jetë i gatshëm për ndeshjen e radhës kundër Irlandës, ndërsa Hoxha për shkak të pezullimit si pasojë e kartonit të kuq (pas dy të verdhëve) në ndeshjen e djeshme kundër Izraelit”, thuhet ndër të tjera në njoftim. Vlen të theksohet se Përfaqësuesja e Kosovës do të zbresë në fushë të martën për një tjetër duel vendimtar ndaj Irlandës, ku të dyja kombëtaret janë në garë të ngushtë për sigurimin e vendit të dytë në grupin e tyre brenda Ligës së Kombeve.