Tragjedi në Prizren: Një person gjendet pa shenja jete brenda shtëpisë së tij

Një ngjarje e rëndë është regjistruar në qytetin e Prizrenit, ku një person është gjetur pa shenja jete në ambientet e shtëpisë së tij. Sipas informacioneve zyrtare, rasti ka ndodhur të shtunën, rreth orës 17:00. Për në vendin e ngjarjes janë nisur menjëherë njësitë relevante policore dhe ekipi mjekësor, ku ky i fundit ka konstatuar edhe vdekjen e viktimës. Në bazë të kërkesës së bërë nga familjarët, trupi i pajetë është dërguar në Institutin e Mjekësisë Ligjore për obduksion, me qëllim zbardhjen e plotë të rrethanave se si ka ndodhur ky rast, i cili tashmë po trajtohet nga organet e rendit si hetim i vdekjes.