Rikthimi i nostalgjisë: Mesazhi i Hashim Thaçit për Dardanët bëhet viral pas ndeshjes me Izraelin

Pas barazimit pa gola të përfaqësueses së Kosovës përballë Izraelit, vëmendja e opinionit publik është kthyer te një postim i vjetër në rrjetet sociale, i cili mban firmën e ish-presidentit Hashim Thaçi. Bëhet fjalë për një mesazh mbështetës të datës 14 nëntor 2019, i cili ka marrë sërish dhenë në platformat digjitale. Në atë kohë, Thaçi kishte zgjedhur që përmes një shkrimi publik të shprehte mirënjohjen dhe krenarinë e tij për Kombëtaren e Kosovës, duke theksuar se përkrahja për futbollistët nuk duhet të jetë e kushtëzuar nga rezultatet në fushën e blertë. “Në humbje dhe fitore, me ose pa pikë, të kualifikuar apo jo, ju na keni dhënë shumë emocione, shumë krenari. Jeni heronjtë tanë. Jeni shpresa jonë! HTH. 14.11.2019”, ishin fjalët e shkruara në profilin e tij, të cilat sot po ndahen masivisht nga tifozët. Ky rikujtim i mesazhit të vitit 2019 vjen si një reflektim i tifozëve pas paraqitjes së fundit të “Dardanëve” ndaj Izraelit, e cila u mbyll me rezultatin 0:0, duke rizgjuar debatet dhe emocionet që lidhen me përfaqësimin kombëtar.