Vështirësi për Kosovën ndaj Izraelit: Veldin Hoxha ndëshkohet me karton të kuq

Përfaqësuesja e Kosovës është detyruar të vazhdojë sfidën e saj kundër Izraelit me dhjetë lojtarë, pasi mesfushori Veldin Hoxha është ndëshkuar me karton të kuq. Futbollisti i njohur është detyruar të lërë fushën e blertë para kohe, pasi ka marrë dy kartonë të verdhë gjatë këtij takimi të rëndësishëm. Momenti i parë ndëshkues për Hoxhën erdhi në minutën e 20-të të sfidës, kur gjyqtari i tregoj kartonin e parë të verdhë. Ndërkohë, situata u komplikua në minutën e 67-të, kur pas një ndërhyrjeje të radhës, ai u ndëshkua sërish me karton të verdhë, duke u shndërruar në të kuq dhe duke e lënë skuadrën në inferioritet numerik.