Dallgët e fuqitshme rrezikojnë jetën e tre personave në Stamboll pranë Kullës së Vajzës

Një situatë dramatike është regjistruar së fundmi në metropolin turk të Stambollit, ku tre qytetarë kanë rrezikuar seriozisht jetën e tyre teksa ndodheshin pranë bregut. Incidenti ka ndodhur në afërsi të monumentit ikonik, Kullës së Vajzës (Maiden’s Tower), në momentin kur vizitorët po përpiqeshin të kapnin pamje fotografike të zonës. Në videon që ka qarkulluar gjerësisht, dëshmohet çasti kritik kur valët e fuqitshme të detit shpërthejnë papritur, duke i zënë në kurth personat që po qëndronin pranë ujit për të realizuar fotografitë e tyre. Ky episod ka ngritur sërish shqetësimin mbi rrezikun potencial që dallgët e larta dhe të paparashikueshme u kanosen turistëve dhe qytetarëve që preferojnë të afrohen tepër pranë vijës bregdetare.