Mbështetje e palëkundur: “Dardanët” udhëtojnë drejt Hungarisë për ndeshjen ndaj Izraelit

Grupi i tifozëve të Kombëtares së Kosovës, “Dardanët”, ka zyrtarizuar praninë e tyre në qytetin hungarez Debrecen, ku do të jenë në krah të Përfaqësueses në sfidën e radhës kundër Izraelit. Dueli, i cili do të zhvillohet këtë të enjte në një terren neutral, do t'i gjejë sërish futbollistët kosovarë të mbështetur nga tifozët e tyre më të zjarrtë, të cilët kanë konfirmuar udhëtimin pavarësisht sfidave dhe distancës. “Dardanët, si gjithmonë, edhe kësaj radhe do të jenë të pranishëm në shkallët e tribunave për t’i mbështetur bijtë më të mirë të vendit”, citohet në nomimin zyrtar të grupit të tifozëve. Në mesazhin e tyre, ata kanë theksuar se përkushtimi ndaj ngjyrave kuqezi nuk kushtëzohet nga lokacioni apo statusi i stadiumit ku luhet takimi. “Nuk ka rëndësi a luajmë në fushë vendëse, si mysafirë apo në fushë neutrale. Dardanët, në çdo variant dhe në çdo cep të Evropës, i qëndrojnë pranë ekipit kombëtar të vet me krenari dhe besnikëri”, shtohet më tej në reagim. Në mbyllje të prononcimit të tyre, tifozët kanë përcjellë një thirrje optimiste dhe motivuese për një paraqitje triumfuese në tokën hungareze. “Shkojmë për fitore, për ta nisur dhe mbaruar këtë javë suksesshëm. Besa, besë Kosovë!”, përfundon deklarata e “Dardanëve”.