Bateristi i Blink-182 tregon se si një diagnozë alarmante e detyroi t'i japë fund duhanit

Bateristi i njohur i grupit rok Blink-182, Travis Barker, ka ndarë me publikun detaje rreth një sfide shëndetësore që ndryshoi rrënjësisht mënyrën e tij të jetesës. Artisti 50-vjeçar bëri këtë rrëfim gjatë një interviste në podkastin “Big Bro with Kid Cudi”, të zhvilluar të mërkurën, më 11 nëntor, ku u shpreh se vendimi për të hequr dorë nga ky ves erdhi pas një alarmi serioz nga mjeku i tij. "E lashë duhanin ekskluzivisht për shkak të një diagnoze me qeliza parakanceroze në ezofag," u rrëfye Barker gjatë bisedës. Sipas muzikantit, specialisti i shëndetit i kishte drejtuar një mesazh tejet të prerë, duke i thënë: "Ky është sinjali yt i fundit i alarmit". Duke qenë se dikur konsumonte sasi të mëdha duhani, ai pranoi hapur se, po mos të ndodhte ky incident, vështirë se do ta kishte shkëputur këtë varësi. Megjithatë, pavarësisht hapit vendimtar për hir të shëndetit, bateristi nuk e fshehu faktin se zakoni i vjetër vazhdon t'i mungojë. "Më mungon shumë, nuk po gënjej," përfundoi ai.