Vedat Muriqi jep përgjigjen epike: Çfarë zgjedh mes Ligës së Kampionëve dhe kualifikimit me Kosovën?

Sulmuesi kryesor i Kombëtares së Kosovës, Vedat Muriqi, ka ndarë mendimet e tij para sfidës së rëndësishme kundër Izraelit, duke shprehur besim të patundur te grupi i lojtarëve dhe duke theksuar peshën e madhe që ka veshja e fanellës së “Dardanëve”. Përballja mes Kosovës dhe Izraelit është planifikuar të zhvillohet këtë të shtunë, duke filluar nga ora 15:00, në stadiumin “Fadil Vokrri” në Prishtinë, në kuadër të xhiros së pestë të Grupit 3 në Ligën B të Ligës së Kombeve. I pyetur se çfarë domethënie ka fakti që emri i tij identifikohet menjëherë me përfaqësuesen kosovare, Muriqi nuk e fshehu ndjenjën e krenarisë për arritjet dhe pozitat e tij aktuale në histori. “Jam krenar për veten time, është një nder të përfaqësoj vendin tim. Jam golashënuesi më i mirë i Kosovës. Shpresoj të luaj për Kombëtaren derisa të mos mundem më”, deklaroi sulmuesi. Gjatë prononcimit të tij, Muriqi analizoi gjendjen e skuadrës dhe pritshmëritë rreth duelit me izraelitët, duke refuzuar ta etiketojë ekipin e tij si favorit absolut, pavarësisht faktit se lënë para shikuesve vendës. “Kemi luajtur kundër Izraelit në tri ndeshjet e fundit. Nuk dua të them se jemi favoritë, sepse në futboll nuk i dihet kurrë. Edhe nëse u mungojnë lojtarë, ata janë përmirësuar taktikisht vitet e fundit. Kemi një avantazh sepse luajmë në shtëpi”, u shpreh Muriqi. Duke iu përgjigjur pyetjeve rreth presionit që mund të sjellë kjo ndeshje për fatin e kualifikimit, sulmuesi u shpreh i qetë, duke nënvizuar se gjithçka do të vuloset në fushën e blertë. “Jo, sepse loja nuk ka filluar. Gjithçka do të vendoset në 90 minutat e ndeshjes. Nuk është vendosur ende, kemi një shans dhe varet nga ne. Nëse jemi mirë, do të fitojmë dhe do të marrim një rezultat”, deklaroi ai. Në lidhje me mungesën e Dia Sabas në radhët e Izraelit, sulmuesi që luan në Turqi vlerësoi formën e tij të lartë dhe pranoi se mungesa e tij është një lehtësim përfaqësuesen e Kosovës. “Që nga fillimi i sezonit në Turqi, ai ka luajtur shkëlqyeshëm, duke shënuar gola. Ai shënoi një gol të bukur kundër Galatasarayt. Në Turqi, emri i tij bën shumë zhurmë. Kur ka lojtarë që mungojnë, sipas mendimit tim personal, ata mund ta kishin thirrur dhe të përdornin përvojën e tij. Për ne, është mirë që ai nuk është këtu”, theksoi Muriqi. Në fund të bisedës, para lojtarit u shtrua një dilemë e madhe: zgjedhja mes triumfit në Ligën e Kampionëve dhe kualifikimit historik në një ngjarje të madhe me fanellën e Kosovës. Përgjigjja e tij ishte e prerë. “Patjetër, të avancosh në një turne të madh me Kosovën”, përfundoi Vedat Muriqi.