Kosova-Izraeli, publikohen formacionet zyrtare: “Dardanët” synojnë fitoren në “Fadil Vokrri”

Kombëtarja e Kosovës ka zbardhur përbërjen zyrtare për sfidën e sotme kundër Izraelit, e cila vlen për xhiron e pestë të Grupit 3 në Ligën B të Ligës së Kombeve. Ky duel është tejet i rëndësishëm për ambiciet e “Dardanëve” në këtë garë. Dueli do të nisë në ora 15:00 dhe do të zhvillohet nën një atmosferë të zjarrtë në stadiumin “Fadil Vokrri” në kryeqytet, ku synimi i vetëm i Përfaqësueses sonë është sigurimi i tri pikëve të plota për t'u ngjitur në renditje. Në tabelën e grupit, Austria udhëheq me tetë pikë, e ndjekur nga Kosova dhe Republika e Irlandës që numërojnë nga pesë pikë secila, kurse Izraeli mbyll renditjen me vetëm dy pikë të grumbulluara deri më tani. Formacioni zyrtar i Kosovës: Shaipi, Kamberi, Hajrizi, Krasniqi; Gallapeni, Hoxha, Avdullahu, Vojvoda, Zhegrova, Rashica dhe Muriqi. Përbërja zyrtare e Izraelit: Da. Peretz, Dasa, Shlomo, Yehosha, Nachmias, Stoinov, Abada, Do.Peretz, Azoulay, Gloukh dhe Tociomit.