Mickoski: Industria në rritje, opozita dëshiron dështimin ekonomik të vendit

Kryeministri Hristijan Mickoski ka deklaruar sot se prodhimi industrial po shënon ecuri pozitive, një arritje tejet domethënëse po të merren parasysh sfidat globale dhe kriza në Bashkimin Evropian, që mbetet partneri kryesor tregtar i vendit. "Ajo që më inkurajon është qarkullimi në industri, i cili është mbi 5,5 për qind më i lartë në krahasim me tremujorin e tretë të vitit të kaluar. Kjo dëshmon se qarkullimi industrial po rritet, si në tregun e brendshëm ashtu edhe atë ndërkombëtar, gjë që u konfirmua paraprakisht edhe nga zgjerimi i eksporteve", u shpreh kreu i ekzekutivit, Hristijan Mickoski. Sipas vlerësimit të tij, këto zhvillime pozitive përbëjnë lajme të pakëndshme për strukturat opozitare, të cilat, siç tha ai, preferojnë që shteti të ecë me hapa mbrapsht e jo drejt zhvillimit. “Të gjithë treguesit konfirmojnë atë që theksuam që në fillim: se na duhej durim, konsolidim hap pas hapi dhe se më në fund, pas gati dy vitesh e gjysmë, kemi dalë në pikën zero pasi ndodheshim në një minus të thellë. Kemi arritur pikën e kthesës nga e cila duhet të nisë puna qeverisëse dhe, që nga ky moment, pres vetëm rritje. Megjithatë, kjo nuk varet ekskluzivisht nga ne, por edhe nga dinamika ndërkombëtare. Shpresoj se shumë shpejt do të mund të flasim për një zhvillim shumë më intensiv”, nënvizoi Mickoski.