Incident i papritur në Los Angeles: Aktorja e njohur e “Harry Potter” pëson një rrëzim para admiruesve

Emma Watson, ylli i famshëm i sagës kinematografike “Harry Potter”, ka përjetuar një moment sikleti kur është rrëzuar në tokë ndërsa po largohej nga mbrëmja gala “Men of the Year” e revistës GQ, ngjarje kjo e organizuar në hotelin luksoz Chateau Marmont në Los Angeles të Shteteve të Bashkuara. Incidenti ndodhi pikërisht në momentin kur artistja britanike u hutua pasi një prej personave në turmë i tha me zë të lartë se ajo ishte aktorja e tij e preferuar. Gjatë kësaj situate, ajo u pengua dhe për pak desh rrëzoi një adhurues që po priste për të marrë një autograf. Megjithatë, situata u menaxhua shpejt falë ndihmës së menjëhershme të njerëzve të pranishmit në vendngjarje. Aktorja u ngrit në këmbë pa lëndime, kërkoi falje për incidentin dhe i dha fund ngjarjes me një buzëqeshje drejt fansave të saj.