Gara e fortë në Euroleague: Katër skuadra ndajnë kreun pas javës së njëmbëdhjetë

Përballjet e raundit të 11-të në sezonin e rregullt të Euroleague-s në basketboll për meshkuj kanë sjellë ndryshime dhe emocione të mëdha në tabelën e klasifikimit, ku tashmë katër klube ndajnë së bashku majën e renditjes. Katër skuadrat kryesuese numërojnë nga 8 fitore dhe 3 humbje secila. Valencia Basket po rezulton të jetë surpriza më e madhe e këtij edicioni, pasi u ngjit në vendin e parë falë triumfit bindës 102-87 ndaj Bayern Munich. Spanjollët e ndajnë kreun e tabelës me Panathinaikos, Olympiacos dhe Barcelona. Java u karakterizua nga sfida mjaft interesante, ku veçohet fitorja me ngushtësi e Barcelonës në udhëtim kundër Panathinaikos me shifrat 76-74 në Athinë. Ndërkohë, kampionët në fuqi të Olympiacos nuk patënshumë vështirësi për të mposhtur 101-72 Dubai Basketball. Performancë të shkëlqyer regjistroi edhe Real Madrid, i cili triumfoi bindshëm 105-84 ndaj Cërvena Zvezdës. Në krahun tjetër, Fenerbahce ka zhgënjyer duke pësuar humbje dramatike 111-109 nga Paris Basketball. Dymbëdhjetë ndeshjet e këtij raundi dhuruan gjithashtu rezultatet e mëposhtme: Partizan – Baskonia Gasteiz: 80-66 Paris Basketball – Fenerbahce: 111-109 Maccabi Tel Aviv – Hapoel Tel Aviv: 80-73 Olympiacos – Dubai Basketball: 101-72 Valencia Basket – Bayern Munich: 102-87 Armani Milano – Zalgiris Kaunas: 83-86 Real Madrid – Crvena Zvezda: 105-84 Anadolu Efes – Virtus Bologna: 103-91 Panathinaikos – Barcelona: 74-76 Villeurbanne – Besiktas: 91-95