Performancë fantastike e Lara Colturit, kuqeuqeja shkëlqen në lëshimin e parë në Finlandë

Skiatorja e njohur që përfaqëson Shqipërinë, Lara Colturi, ka dhuruar një paraqitje të jashtëzakonshme në garën e mëngjesit në Levi të Finlandës, duke siguruar pozitat e larta në disiplinën e sllallomit. Pas përfundimit të lëshimit të parë, Colturi ka pozicionuar veten e dyta në renditje, menjëherë pas garueses gjermane Emma Aicher, e cila udhëheq përkohësisht garën. Për një kohë të gjatë, epërsia e dyshes Aicher dhe Colturi ishte aq e madhe sa diferenca me ndjekëset e tjera kalonte shifrën e tri sekondave. Megjithatë, gara solli edhe emocione të tjera kur skiatorja kroate Zrinka Ljutiç realizoi një zbritje fantastike, duke u renditur e treta me 0.88 sekonda prapa lideres, ndërsa menjëherë pas saj u pozicionua Camile Rast. Falë këtij starti mbresëlënës, pritet që Lara Colturi të ketë një paraqitje edhe më të fortë dhe konkurruese në lëshimin e dytë, i cili është planifikuar të nisë në orën 13:00.