Tragjedi në Klinë: Pacientja ndërron jetë pas një reaksioni të rëndë alergjik nga infuzioni, reagon QKMF-ja

Një ngjarje e rëndë ka tronditur qytetin e Klinës, pasi një paciente ka humbur jetën, dyshohet si pasojë e një reaksioni të menjëhershëm alergjik të shkaktuar gjatë marrjes së terapisë me infuzion në Qendrën Kryesore të Mjekësisë Familjare (QKMF) “Nëna Terezë”. Përmes një deklarate zyrtare, institucioni shëndetësor ka sqaruar se e ndjera fillimisht ishte ekzaminuar nga mjeku infektolog, i cili i kishte caktuar terapinë përkatëse mjekësore. Mirë po, sapo ka nisur dhënia e infuzionit, ajo ka shfaqur shenja të një reaksioni alergjik, çka ka detyruar stafin që ta transferojë urgjentisht drejt emergjencës së këtij institucioni. Në ambientet e urgjencës, mjeku internist në bashkëpunim me kolegët e tjerë ka nisur menjëherë procedurat e trajtimit të gjendjes. Megjithatë, për shkak të përkeqësimit të menjëhershëm të shëndetit të saj, është marrë vendimi për transferimin e gaztës me autoambulancë drejt Spitalit Rajonal të Pejës, nën mbikëqyrjen e një mjeku dhe një infermieri. Për shkak të fluksit dhe ngarkesës në trafik, autoritetet shëndetësore kanë kërkuar dhe marrë ndihmën e Policisë së Kosovës në Klinë, njësitë e së cilës janë angazhuar për të lehtësuar qarkullimin dhe për të siguruar një transport sa më të shpejtë të autoambulancës drejt qytetit të Pejës. Sipas njoftimit të QKMF-së, ekipi mjekësor ka kryer reanimim kardiopulmonar gjatë pjesës më të madhe të rrugës. Me të mbërritur në spitalin e Pejës, pacientja është futur në procedurë të intubimit, por pavarësisht përpjekjeve maksimale dhe ndërhyrjeve intensive terapeutike nga ana e stafit mjekësor, ajo nuk ka mundur të mbijetojë.