Kriza energjetike, deputeti i VV-së: Privatizimi i së kaluarës është shkaktari kryesor i gjendjes aktuale

Deputeti i Lëvizjes Vetëvendosje, Taulant Kelmendi, ka adresuar përgjegjësinë për sfidat aktuale në sistemin energjetik të vendit, duke ia atribuar ato vendimeve të marra nga qeverisjet e mëparshme. Sipas Kelmendit, procesi i privatizimit të sektorit të shpërndarjes dhe furnizimit me energji elektrike ka krijuar një strukturë problematike të ndarjes së përgjegjësive, e cila vazhdon të ndihet edhe në ditët e sotme. Këto komente deputeti i VV-së i bëri gjatë zhvillimit të debatit parlamentar në Kuvendin e Kosovës, ku u diskutua mbi gjendjen dhe sfidat e sektorit të energjisë.