Kujdes nga uji në Rekën e Keqe: KRU “Gjakova” lëshon apel urgjent për qytetarët

Kompania Rajonale e Ujësjellësit “Gjakova” u ka bërë thirrje banorëve të zonës së Rekës së Keqe që të shmangin menjëherë përdorimin e ujit për pirje, pasi analizat më të fundit laboratorike kanë dëshmuar se niveli i turbullirës ka kaluar normat e lejuara për konsum njerëzor. Përmes një njoftimi zyrtar publikuar në rrjetet sociale, ndërmarrja ka kërkuar mirëkuptimin dhe kujdesin e shtuar të konsumatorëve të kësaj zone, duke theksuar se ky kufizim do të mbetet në fuqi deri në një njoftim të dytë, kur testimet të konfirmojnë rikthimin e sigurisë dhe pastërtisë së ujit.