Përmbyset makina në aksin e Lumit të Vlorës, plagoset drejtuesi i mjetit

Një aksident rrugor ka ndodhur këtë të premte në aksin e Lumit të Vlorës, ku një automjet ka dalë nga rruga dhe është përmbysur pranë fshatit Kot, në territorin e Bashkisë së Selenicës. Sipas të dhënave paraprake nga terreni, mjeti po qarkullonte nga qyteti i Vlorës drejt Lumit të Vlorës, moment në të cilin shoferi ka humbur kontrollin e timonit, duke sjellë përmbysjen e makinës në anë të rrugës. Si shkak kryesor i këtij incidenti dyshohet të jetë bërë shpejtësia e lartë tej normave të lejuara. Për pasojë, drejtuesi i automjetit ka pësuar lëndime të lehta dhe është dërguar me urgjencë në Spitalin Rajonal të Vlorës për të marrë ndihmën e nevojshme mjekësore. Forcat e rendit dhe policia rrugore kanë mbërritur menjëherë në vendin e ngjarjes, ku po kryejnë verifikimet e duhura për të zbardhur plotësisht shkaqet dhe rrethanat e këtij aksidenti.