UEFA cakton gjyqtarët për ndeshjen Kosovë – Izrael

UEFA ka përcaktuar ekipin e gjyqtarëve që do ta drejtojnë ndeshjen ndërmjet Kosovës dhe Izraelit, e cila do të zhvillohet të shtunën në stadiumin “Fadil Vokrri”, në kuadër të Ligës së Kombeve. Arbitër kryesor i kësaj përballjeje do të jetë sllovaku Ivan Kruzliak, i cili do të ndihmohet nga bashkëkombësit e tij, Branislav Hancko dhe Jan Pozor, të caktuar si gjyqtarë anësorë. Në rolin e gjyqtarit të katërt do të jetë Peter Kralović, po ashtu nga Sllovakia. Ndërkohë, UEFA ka bërë të ditur edhe emrat e zyrtarëve që do të jenë përgjegjës për sistemin VAR. Skocezi Andrew Dallas do ta ketë këtë detyrë, ndërsa ndihmës i tij do të jetë sllovaku Martin Dohal.