Ambasada Amerikane jep alarmin për protestat në Prishtinë: Mund të përshkallëzohen pa paralajmërim

Ambasada e Shteteve të Bashkuara të Amerikës në Kosovë ka paralajmëruar se demonstratat në Prishtinë pritet të vazhdojnë edhe gjatë javëve të ardhshme, duke kërkuar kujdes për shkak të mundësisë së përshkallëzimit të situatës. Sipas njoftimit të Ambasadës, protestuesit pritet të mblidhen në qendër të kryeqytetit, ndërsa demonstratat mund të përhapen me shpejtësi edhe në zonat përreth. Ambasada ka tërhequr vëmendjen se tubimet mund të nisin në mënyrë paqësore, por situata mund të përshkallëzohet papritur dhe pa paralajmërim.