Mungesa e ligjvënësve shtyn seancën e Kuvendit, Haxhiu: S’mund të pres pafundësisht

Seanca plenare e Kuvendit të Kosovës është shtyrë për ditën e nesërme, pasi deputetët nuk janë paraqitur në sallë brenda afateve kohore të përcaktuara. Kryetarja e Kuvendit, Albulena Haxhiu, ka njoftuar se punimet do të rinisin nesër në ora 11:00, duke shprehur hapur pakënaqësinë e saj lidhur me papërgjegjshmërinë dhe mungesën e kuorumit. “Seanca i vazhdon punimet nesër në orën 11:00. Nuk është serioze që edhe 30 minuta pas orës 14:00 deputetët nuk po vijnë. Unë nuk kam mundësi të funksionoj e të pres deri në pafundësi”, u shpreh ajo.