Egnatia zbulon çmimet dhe nis shitjen e biletave për duelin evropian në “Air Albania”

Klubi i Egnatias ka njoftuar zyrtarisht hapjen e shitjes së biletave për sfidën e radhës në UEFA Conference League kundër Red Imps, një duel i rëndësishëm që do të shënojë edhe kthimin e skuadrës në fushën e saj “vendase”. Kjo përballje delikate për rrogozhinasit do të luhet në stadiumin “Air Albania”, më 26 nëntor, me fillim nga ora 18:45. Për të gjithë mbështetësit që duan të jenë të pranishëm në shkallët e stadiumit për të mbështetur kampionët e vendit, klubi ka vënë në dispozicion platformën online për sigurimin e hyrjeve duke filluar nga dita e sotme. Skuadra kryeqytetase e drejtuar nga trajneri Nevil Dede i afrohet këtij takimi pas një ecurie prej dy barazimesh dhe një humbjeje, ndaj synimi i vetëm mbetet arritja e një rezultati pozitiv për të ktheyr kthesën në këtë kompeticion evropian. Pavarësisht sfidave të deritanishme, shanset matematikore për një kualifikim historik në fazën “play-off” mbeten plotësisht të hapura. Egnatia beson fuqimisht te realizimi i këtij objektivit madhor, duke llogaritur pikët e plota nga ndeshjet e mbetura, ku përfshihen edhe përballjet e ardhshme kundër Bragës dhe Kauno Zalgiris.