Dyshime për rrëmbim: Ilir Vrenozi ngre alarmin për zhdukjen e gazetarit Elton Tozaj

Figura e njohur e rrjeteve sociale dhe ish-banori i formatit “Big Brother VIP Albania 5”, Ilir Vrenozi, ka ngritur shqetësimin se gazetari Elton Tozaj mund të jetë rrëmbyer. Përmes një videoje të publikuar në platformën TikTok, Vrenozi ka bërë të ditur se ka provuar disa herë ta kontaktojë atë me telefon, mirëpo të gjitha përpjekjet kanë dështuar pasi nuk ka marrë asnjë përgjigje. Sipas dëshmisë së Ilirit, gjatë një transmetimi live të zhvilluar ditën e hënë, vetë gazetari kishte paralajmëruar se do të publikonte materiale të reja video dhe se do të rikthehej sërish live për të bashkëbiseduar me publikun dhe ndjekësit e tij. Vlen të theksohet se Elton Tozaj ka qenë qendër e vëmendjes edhe më parë, pasi pak kohë më parë, saktësisht pasditen e 5 nëntorit, ai u bë viktimë e dhunës. Ngjarja u konfirmua nga vetë gazetari në atë kohë përmes një postimi në InstaStory, ku ndau me ndjekësit një imazh ku dukej i mbuluar në gjak.