Afrim në shtëpi: Arlinda Morina shpreh hapur pëlqimin për Nora Tushin në Big Brother VIP Kosova 5

Regjisorja e njohur Arlinda Morina ka bërë një rrëfim të papritur brenda shtëpisë më të famshme në vend, duke i pohuar haptazi pëlqimin e saj banores Nora Tushi. Gjatë një bashkëbisedimi mes tyre, ajo nuk ka preferuar ta mbajë të fshehur këtë ndjenjë, duke theksuar se nuk sheh asnjë pengesë që ta shprehë atë hapur para gjithë konkurrentëve të tjerë. “Mua më pëlqen kjo. Po më pëlqen. E di kjo. Çka ka lidhje, po flasim për pëlqim”, u shpreh ajo pa hezitim. Kjo deklaratë ka marrë edhe më shumë vëmendje duke u lidhur me faktin se Arlinda më herët ka ndarë hapur me publikun orientimin e saj seksual, duke u deklaruar si lesbike. Ky zhvillim i fundit shton dinamika të reja brenda shtëpisë së BBVK 5, ndërkohë që mbetet për t'u parë se si do të evoluojë marrëdhënia mes tyre në vazhdim të garës. Pavarësisht se spektakli ka nisur pak kohë më parë, brenda mjediseve të shtëpisë nuk kanë munguar ngacmimet dhe situatat interesante mes konkurrentëve. Kujtojmë se dinamikat e deritanishme të lojës kanë regjistruar edhe largimet e para, ku nga gara janë eliminuar deri më tani Dion Mala dhe Behare Maksutaj.