Trepça ndalet sërish në FIBA Europe Cup, pëson disfatë përballë Promitheas Patras

Kampioni aktual i basketbollit të Kosovës, Trepça, nuk ka arritur të triumfojë në përballjen e dytë kundër skuadrës greke, Promitheas Patras. Në një sfidë të vlefshme për Grupin A të FIBA Europe Cup, mitrovicasit u mposhtën si mysafirë me rezultatin përfundimtar 81:71. Fati i ndeshjes u vendos në periudhën e fundit, kur skuadra vendëse arriti të shkëputet në rezultat, duke siguruar kështu fitoren e katërt në këtë fazë, krahas dy humbjeve. Nga ana tjetër, përfaqësuesja kosovare pas këtij takimi numëron tri fitore dhe tri humbje në tabelën e klasifikimit. Sa i përket kontributit individual, Shown Jones u dallua si lojtari më efikas për ekipin nga Mitrovica, duke realizuar 15 pikë. Pas kësaj ndeshjeje, vëmendja e Trepçës zhvendoset te sfida e radhës. Më 18 nëntor, skuadra mitrovicase do të presë në palestrën “Minatori” ekipin e Splitit, ku do të kërkojë rikthimin te rezultatet pozitive.