Revolucioni në tregun gjerman të punës: Qeveria synon zgjatjen e kontratave të përkohshme deri në katër vjet

Berlin, 11 nëntor 2026 — Ministri Federal i Punës, Alexander Schweitzer, ka prezantuar një nismë të re ligjore që parashikon ndryshime rrënjësore në marrëdhëniet e punës. Projektligji në fjalë u hap rrugë punëdhënësve në Gjermani që të lidhin kontrata me afat të caktuar deri në katër vjet, pa qenë të obliguar të ofrojnë një justifikim specifik për këtë kohëzgjatje. Ky ndryshim rregullator pritet të jetë i vlefshëm për të gjitha punësimet e reja që do të realizohen deri më 31 dhjetor 2030. Për më tepër, struktura e re ligjore parasheh mundësinë e deri në gjashtë zgjatjeve të kontratës, për sa kohë që nuk tejkalohet kufiri i përgjithshëm katërvjeçar. Aktualisht, legjislacioni në fuqi është mjaft më kufizues, pasi lejon kontrata me afat deri në dy vjet, me një limit prej maksimalisht tri zgjatjesh. Ky ndryshim pritet të ndikojë drejtpërdrejt edhe punëkërkuesit nga vendet e Ballkanit, përfshirë shqiptarët, të cilët synojnë tregun gjerman, pasi punëdhënësit do të kenë hapësirë më të madhe ligjore për të mbajtur punonjësit me kontrata të përkohshme për një periudhë më të zgjatur. Aktualisht, drafti është në fazën e shqyrtimit të brendshëm qeveritar. Pritshmëritë janë që kabineti qeveritar ta marrë në shqyrtim këtë propozim gjatë muajit dhjetor, me synimin që ndryshimet të bëhen funksionale në fillim të vitit 2027, ndonëse data e saktë e hyrjes në fuqi mbetet ende për t’u përcaktuar.