KOK-u jep alarmin: Rreziku për humbjen e Lojërave Mesdhetare 'Prishtina 2030' mbetet real

Komiteti Olimpik i Kosovës (KOK) ka mbajtur një mbledhje të rëndësishme të mërkurën, ku anëtarët e Bordit Ekzekutiv kanë trajtuar një sërë çështjesh kyçe për sportin vendës. Në fokus të diskutimeve ka qenë situata aktuale rreth organizimit të ngjarjes madhore të vitit 2030. Gjatë këtij takimi, drejtuesit e KOK-ut kanë konstatuar me shqetësim se rreziku për dështimin e mundësisë që Kosova të presë Lojërat Mesdhetare “Prishtina 2030” nuk është shuar ende plotësisht, duke kërkuar angazhim shtesë institucional.