Kryeministri Kurti zhvillon një takim në Paris me ekonomistin e njohur dhe fituesin e Çmimit Nobel, Philippe Aghion

Kryeministri i Republikës së Kosovës, Albin Kurti, ka ndarë detaje nga vizita e tij në kryeqytetin francez, ku është takuar me ekonomistin e shquar Philippe Aghion, i cili u kurorëzua vitin e kaluar me Çmimin Nobel në fushën e ekonomisë. Kreu i ekzekutivit kosovar njoftoi se gjatë bashkëbisedimit me profesorin e njohur, i cili ushtron aktivitetin e tij akademik në institucione prestigjioze si Collège de France, INSEAD dhe London School of Economics, në fokus kanë qenë e ecuria e ekonomisë së Kosovës dhe fushat që premtojnë zhvillim më të madh. Sipas shefit të Qeverisë, një hapësirë e veçantë iu kushtua fushës së teknologjisë, e cila tashmë zë 6 për qind të Bruto Produktit Vendor (BPV) të vendit dhe vijon të shfaqë tendenca pozitive rritjeje. Gjatë këtij takimi, palët shkëmbyen mendime edhe rreth inovacionit në kontinentin evropian, sfidave dhe mundësive që paraqet zhvillimi i inteligjencës artificiale, angazhimit të shtetit për mbrojtjen e punëmarrësve, ngritjen e kompetencave profesionale, si dhe procesit të tranzicionit energjetik. Temë e diskutimit ishte gjithashtu modeli i arsimit dual në Kosovë, i cili mbështetet në praktikat evropiane të Gjermanisë dhe Zvicrës. Kurti theksoi se eksperti Aghion ka dhënë një vlerësim pozitiv për qasjen e Qeverisë në funksionalizimin e këtij sistemi, i cili ndërthur ngritjen profesionale me përvojën reale në tregun e punës.