Blerja e veturës përfundon në makth: I riu nga Tetova bie pre e një mashtrimi prej afro 7 mijë eurosh nga Gjermania

Një banor i ri nga rajoni i Tetovës ka rënë viktimë e një mashtrimi financiar gjatë përpjekjes për të blerë një automjet online, duke humbur një shumë prej 6.800 eurosh. Rasti është denoncuar zyrtarisht në organet e rendit ditën e djeshme, më 10 nëntor 2026, rreth orës 12:00, nga një 26-vjeçar nga një fshat i Tetovës. Sipas informacioneve të siguruara nga Sektori për Punë e Brendshme (SPB) Tetovë, i dëmtuari kishte rënë në kontakt me shtetasin gjerman J.L., 46 vjeç, përmes një platforme të specializuar gjermane për shitblerjen e veturave. Pas arritjes së një marrëveshjeje mes palëve, më 29 tetor 2026, blerësi e kishte kryer pagesën e plotë të mjeteve monetare përmes transfertës bankare. Mashtrimi ka dalë në dritë në momentin kur shërbimi i transportit me karrotrec, i kontraktuar për të tërhequr automjetin, është paraqitur në adresën e caktuar në Gjermani. Aty është konstatuar se vendndodhja ishte e rreme dhe se personi i dyshuar nuk banonte fare në atë adresë. Autoritetet policore njoftojnë se aktualisht po ndërmerren të gjitha veprimet e nevojshme hetimore për të identifikuar autorin, për të zbardhur plotësisht rrethanat e ngjarjes dhe për të vënë drejtësinë në vend.