Kusari-Lila nga Lisbona: Moti i keq nuk e ndal agjendën tonë, takimet dhe bashkëpunimet po vijojnë

Ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka njoftuar se pavarësisht se aktivitetet e sotme në kuadër të “Web Summit” në Lisbonë u desh të pezulloheshin përkohësisht si pasojë e kushteve të pafavorshme atmosferike, dialogu dhe kontaktet nuk do të ndalen. Ajo ka bërë të ditur se kjo situatë po shfrytëzohet në maksimum për takime dypalëshe dhe ndërtimin e urave të reja të bashkëpunimit, ndërkohë që të nesërmen parashikohet t'i kthehet normalitetit agjenda e plotë zyrtare e këtij samiti global teknologjik.