Ditë e ngarkuar në arenën ndërkombëtare: Përfaqësueset e Kosovës U17 dhe U19 kërkojnë suksesin ndaj Belgjikës

Përfaqësueset e Kosovës në grupmoshat U17 dhe U19 do të zhvillojnë sot (e mërkurë) sfidat e radhës në kuadër të ciklit kualifikues për Kampionatin Evropian, duke pasur përballë shtetin e fortë të Belgjikës. E para që do të startojë aventurën e sotme në fushën e gjelbër është Përfaqësuesja U19 e Kosovës. Futbollistët e rinj dardanë do të masin forcat me moshatarët belgë në “Excelsior Stadium” të Airdrie-s, ndërsa topi i parë i këtij takimi do të vihet në lëvizje në ora 12:15. Në ndërkohë, vetëm pak çaste më vonë, saktësisht 15 minuta pas përcjelljes së duelit të parë, do të zbresë në aksion edhe Përfaqësuesja U17 e Kosovës. Ata do të kërkojnë rezultat pozitiv kundër Belgjikës në stadiumin “Ivan Laljak-Ivić” në Zaprešić, me sfidën që është planifikuar të nisë nga ora 12:30.