Kriza e Manchester Cityt, Doku flet hapur për tri disfatat rresht dhe jep arsyet e kthesës

Anësori belg i Manchester Cityt, Jeremy Doku, i cili ndodhet i grumbulluar me kombëtaren e tij, ka komentuar ecurinë negative të “qytetarëve” në Premier League, ku kanë regjistruar tri humbje radhazi. Futbollisti ka theksuar se kalendari i ngarkuar nuk përbën ndonjë çështje shqetësuese: “Jemi mësuar të zbresim në fushë çdo dy ditë, ndaj ky nuk mund të jetë një arsyetim. Nëse më pyesni për paraqitjen tonë në fraksionin e parë ndaj Nottinghamit, sinqerisht nuk kam një shpjegim”. “U gjendëm në disavantazh që në minutat e para dhe kjo përmbysi të gjithë rrjedhën e sfidës. Reagimi ynë erdhi me vonesë. Po ta kishim nisur ndeshjen me tjetër ritëm, njëlloj si në pjesën e dytë, epilogu do të kishte qenë krejt ndryshe”, u shpreh Doku. Duke iu referuar pauzei aktuale për shkak të ndeshjeve ndërkombëtare, ai shtoi se kjo është koha e duhur për qartësim: “Na duhet të kthjellojmë mendjet, të nisemi nga e para, të shqyrtojmë aspektet ku çedojmë dhe të shohim përpara”. “Ky pushim i kampionatit na vjen në ndihmë për të reflektuar thellë dhe për t'u rikthyer me energji të reja. Besoj fort se fytyra e skuadrës do të ndryshojë që në sfidën e radhës”, përfundoi lojtari belg.