Bllokohet puna e Komisionit Hetimor për rastin e tragjedisë së Arlinda Zekajt

Mungesa e numrit të mjaftueshëm të deputetëve në sallë ka bërë që të dështojë mbledhja e radhës e Komisionit Hetimor Parlamentar, i cili po merret me shqyrtimin e veprimeve dhe mosveprimeve të institucioneve lidhur me vrasjen e Arlinda Zekajt, si dhe me trajtimin e dhunës ndaj grave dhe fëmijëve në mjedisin familjar. Kryesuesi i këtij komisioni, Burim Ramadani, ka njoftuar zyrtarisht për këtë ngecje, e cila ka pamundësuar zhvillimin e agjendës së paraparë dhe shqyrtimin e çështjeve përkatëse.