Benita Zena i kthen përgjigje të ashpër Elijonës: Më mirë famë me dhëmbë sesa me mbrëmje në diskoteka

Përplasja në distancë mes ish-banoreve të shtëpisë më të famshme në vend, Big Brother VIP Kosova, duket se është ndezur sërish pas deklaratave të fundit publike. Benita Zena ka thyer heshtjen duke iu kundërpërgjigjur hapur Elijonës, e cila kohë më parë kishte lënë të kuptohej se disa personazhe kanë fituar vëmendje dhe famë duke u fokusuar te pamja e dhëmbëve të tyre, pa përmendur megjithatë emra të përveçëm. Gjatë një paraqitjeje televizive në emisionin “Big Cast”, Benita është pyetur rreth këtij thumbimi, duke dhënë një reagim mjaft të drejtpërdrejtë dhe ironik ndaj akuzave të adresuara në drejtim të saj. “Dikush dhezë me dhëmbë, dikush dhezë me vallëzime në club, kështu që se di ka qenë mendimi i saj, unë prap jam krenare që kam dhezë edhe me dhëmbë, ma mirë me dhëmbë, se me vallëzime në club, kështu që so ka ka ta dhez”, u shpreh ajo pa hezitim. Ky tension e ka zanafillën te komentet që Elijona bëri gjatë natës hapëse të edicionit të pestë të këtij formatit televiziv, ku ajo ishte e ftuar speciale dhe qëndroi për një periudhë të shkurtër brenda shtëpisë. Ajo kohë u nda bashkë me disa konkurrentë të tjerë, si Arlinda, Nichi dhe Antoneta, të cilat u prezantuan për publikun para nisjes zyrtare të garës, duke sjellë që në start dinamika dhe përplasje që vazhdojnë të komentohen gjatë në rrjet.