Van Dijk flet për të ardhmen e tij te Liverpooli

Kapiteni i Liverpoolit, Virgil van Dijk, nuk e fsheh dëshirën për të qëndruar në “Anfield” edhe pas përfundimit të kontratës aktuale, por njëkohësisht nuk dëshiron të marrë vendime të nxituara. Van Dijk nënshkroi në vitin 2025 një kontratë dyvjeçare me Liverpoolin. Ndërkohë, mediat kanë filluar të spekulojnë për të ardhmen e tij në klub. Mbrojtësi holandez, i cili së shpejti do të mbushë 36 vjeç, nuk jep asnjë shenjë se mendon të tërhiqet nga futbolli i nivelit të lartë. Ai u shpreh: “Dëshiroj të vazhdoj të luaj dhe të bëj atë që po bëj aktualisht. Do të shohim se çfarë do të na sjellë sezoni. Kam përjetuar gjëra të jashtëzakonshme te Liverpooli dhe nëse kjo vazhdon, aq më mirë”. Van Dijk do t'i mungojë Holandës në ndeshjet kundër Greqisë dhe Gjermanisë, në dy xhirot e fundit të fazës së grupeve të Ligës së Kombeve. Mbrojtësi zbuloi gjithashtu se deri më tani nuk ka pasur bisedime konkrete me drejtuesit e Liverpoolit për vazhdimin e kontratës. Megjithatë, kjo nuk e shqetëson aspak. “Nuk ka absolutisht asnjë arsye për panik“, përfundoi mbrojtësi, i cili ka luajtur të gjitha minutat e Liverpoolit në Premier League.