​Telashe në mbrojtje, Dellova largohet nga grumbullimi me Kosovën

Qendërmbrojtësi Lumbardh Dellova është liruar nga grumbullimi i Kombëtares së Kosovës dhe nuk do të jetë në dispozicion për dy ndeshjet e ardhshme kundër Izraelit dhe Irlandës, në kuadër të Ligës së Kombeve. Lajmi është bërë i ditur nga Federata e Futbollit e Kosovës, e cila ka njoftuar se pas ekzaminimeve mjekësore është konfirmuar se futbollisti nuk është në gjendje fizike për t’i ndihmuar ekipit në këto dy përballje. Pavarësisht dëshirës së Dellovës për të qëndruar pranë ekipit dhe për të qenë në dispozicion të përzgjedhësit, gjendja e tij shëndetësore nuk e lejon një gjë të tillë. Mungesa e tij përbën një mungesë në repartin defensiv të Kosovës, në prag të dy sfidave të rëndësishme në Ligën e Kombeve.