Ndryshimet në ligjin e energjisë, Rizvanolli: Rritet siguria e konsumatorëve dhe mbikëqyrja e tregut

Ministrja e Ekonomisë, Artane Rizvanolli, ka qenë e pranishme në Komisionin për Ekonomi, Industri dhe Ndërmarrësi, ku ka diskutuar mbi Projektligjin e ri për Rregullatorin e Energjisë (ZRRE). Ky dokument u përfshi në agjendë pas një nisme të deputetit të Lëvizjes Vetëvendosje, Taulant Kelmendi. Gjatë fjalës së saj para anëtarëve të komisionit, ministrja Rizvanolli ka bërë të aituara risitë dhe modifikimet thelbësore që sjell ky projektligj, duke theksuar se fokusi kryesor mbetet mbrojtja e të drejtave të qytetarëve si konsumatorë dhe forcimi i rregullimit të tregut energjetik.