Kur Jose Mourinho 'rrëmben' trupin e Marc Cucurellas: Detajet nga shakaja epike e trajnerit portugez

Një moment humori i shkaktuar nga Jose Mourinho ka mbetur gjatë në kujtesën e Marc Cucurellas, duke dëshmuar një anë krejtësisht ndryshe të teknikut portugez nga ajo që shohim zakonisht në fushat e blerta. Mbrojtësi spanjoll ka ndarë një histori interesante, duke treguar se si trajneri reagoi me të qeshur pasi ai kishte bërë një tatuazh me portretin e përzgjedhësit të kombëtares së Spanjës, Luis de la Fuente, në trupin e tij. “Mourinho më dërgoi një fotografi me gjoksin tim, por ku fytyra e De la Fuentes ishte zëvendësuar me fytyrën e tij”, ka rrëfyer Cucurella gjatë një intervistë për mediumin spanjoll COPE, duke shtuar me shaka se pas kësaj eksperience nuk ka ndërmend të bëjë më tatuazhe të tjera. Gjatë bisedës, futbollisti u ndal edhe te marrëdhënia e tij me trajnerin, duke e përshkruar atë si një njeri shumë më të afërt dhe gazmor sesa imazhi i tij serioz prej njeriu të hekurt që transmeton në opinionin publik. “Është një njeri jashtëzakonisht i mirë, të cilit i pëlqen të komunikojë dhe të bëjë shaka me lojtarët. Megjithatë, kur vjen puna te puna, ai mbetet shefi dhe ne jemi të detyruar të zbatojmë çdo udhëzim të tij”, u shpreh Cucurella.