Kurti nga Parisi komenton Gjykatën Speciale: Kur s'je i kënaqur me vendimin, puna vazhdon në Apel

Kryeministri i Kosovës, Albin Kurti, gjatë pjesëmarrjes së tij në Forumin e Paqes në Paris, është pyetur rreth drejtësisë ndërkombëtare dhe zhvillimeve që lidhen me Gjykatën Speciale në Hagë. Kjo pyetje erdhi në kontekstin e vendimit ku katër ish-drejtues të UÇK-së u dënuan me gjithsej 81 vjet burgim nga kjo gjykatë. Duke u ndalur te ky rast, kreu i ekzekutivit kosovar ka dhënë qëndrimin e tij lidhur me hapat që duhen ndjekur kur palët nuk pajtohen me vendimet e dhëna. “Sa i përket drejtësisë ndërkombëtare. Kur s’je i kënaqur me vendimin, bëj gjithë punën që duhet për Apelin dhe asnjëherë mos ndalo së besuari në të vërtetën dhe së punuari për drejtësi”, u shpreh Kurti.