Ish-presidenti Pacolli: Koha dëshmon gjithçka, hipokrizia bie në fund

Ish-presidenti i Kosovës, Behgjet Pacolli, ka drejtuar kritika të ashpra ndaj individëve që hiqen si besnikë, por që në prapaskenë komplotojnë për të shkatërruar punën dhe mundin e të tjerëve. Përmes një reagimi në llogarinë e tij zyrtare në rrjetin social Facebook, Pacolli ka theksuar se gjatë përvojës së tij jetësore dhe rrugëtimit profesional ka mësuar se rreziku më i madh nuk vjen nga kundërshtarët e hapur, por nga ata persona që betohen për besnikëri ndërkohë që veprojnë krejtësisht ndryshe. Sipas tij, individët e këtij lilli udhëhiqen ekskluzivisht nga agjenda personale dhe interesa të huaja, duke mos hezituar të tradhtojnë pikërisht atëherë kur mbështetja është më e nevojshme. Pacolli ka shtuar më tej se personat hipokritë priren të ekzagjerojnë sfidat dhe të prodhojnë kaos artificial, me qëllim që më pas të krijojnë alibi për të arsyetuar veten para opinionit publik dhe shoqërisë. Megjithatë, ish-kreu i shtetit ka përmbyllur duke pohuar se pavarësisht rrethanave, në fund janë gjithmonë veprat dhe trashëgimia e lënë pas ato që flasin qartë dhe e nxjerrin në pah të vërtetën për secilin.