Parashikimi i motit për këtë të martë në Shqipëri: Ja çfarë kushtesh atmosferike na presin

Territori shqiptar gjatë ditës së sotme do të ketë ndikim nga kushte atmosferike kryesisht të qëndrueshme. Moti parashikohet të nisë me kthjellime mbizotëruese, të shoqëruara megjithatë me kalime vranësirash në pjesë të ndryshme të vendit. Sipas të dhënave meteorologjike, skema sinoptike do të karakterizohet nga intervale me diell dhe vranësira mesatare deri të dendura. Këto të fundit pritet të shtohen dhe të bëhen më të dukshme sidomos pas orëve të pasdites. Për sa i përket erës, ajo do të fryjë nga drejtimi verilindje-juglindje me një shpejtësi mesatare prej 5 metrash në sekondë. Megjithatë, përgjatë vijës bregdetare dhe në zonat luginore, lëvizja e ajrit do të jetë pak më e fortë, duke arritur shpejtësi deri në 10 metra në sekondë. Kushtet në det do të paraqiten të favorshme, me një valëzim të forcës 1 deri në 2 ballë, gjë që dëshmon për një det të qetë dhe të sigurt për lundrim. Në tërësi, dita e martë do të zhvillohet nënnën dikimin e një stabilieteti të moderuar atmosferik, ku alternimet mes diellit dhe vranësirave do të shoqërohen me erëra disi më të ndjeshme vetëm pranë zonave bregdetare dhe luginave.