Komediani i njohur Russell Brand shpallet fajtor dhe dënohet me mbi 10 vjet heqje lirie për krime seksuale

Komesiani dhe aktori i njohur, Russell Brand, është dënuar zyrtarisht me 10 vjet e gjysmë burgim. Vendimi ka ardhur pasi ai u shpall fajtor për përdhunimin e një femre dhe për sulm seksual ndaj tre të tjerave. Krimet janë kryer në kohën kur karriera e tij në botën e komedisë, e cila shpesh ushqehej nga mburrjet publike për përvojat e tij intime, po shënonte ngritje të fuqishme. Gjatë seancës gjyqësore, gjykatësi Joel Bennathan e ka akuzuar Brand se ka shfaqur një qasje “arrogante dhe me përbuzje të thellë” ndaj çdo gruaje që refuzonte avancat e tij. “Afërsisht dy dekada më parë, Russell Brand, ti po fitoje famë,” u shpreh gjykatësi Bennathan gjatë leximit të vendimit. “Icute zgjuarsi dhe, për një audiencë të gjerë, ishe një personazh qesharak dhe karizmatik. Mirëpo, në të njëjtën kohë, ti ishte shndërruar në një grabitqar seksual.” Në sallën e gjyqit, 51-vjeçari ka ruajtur gjakftohtësinë, duke shfaqur pak emocione. Para se të largohej i shoqëruar nga efektivët e sigurisë, ai është kthyer nga bashkëshortja e tij për t'i pëshpëritur frazën “do të jemi mirë”. Gjatë gjithë procesit gjyqësor, aktori dhe komediani – i njohur për shfaqjet e tij skandaloze “stand-up”, paraqitjet televizive e radiofonike, si dhe për historikun e tij të betejave me substancat narkotike dhe alkoolin – ka këmbëngulur në pafajësinë e tij, duke insistuar se çdo marrëdhënie e tij ka qenë plotësisht me pëlqim të ndërsjellë.