Tragjedi në Tetovë: 37-vjeçari dërgohet pa shenja jete në spital, urdhërohet autopsia

Një ngjarje e rëndë ka tronditur qytetin e Tetovës, pasi një 37-vjeçar është sjellë pa shenja jete në Spitalin Klinik të këtij qyteti, ndërkohë që autoritetet kanë nisur hetimet për të zbardhur rrethanat e plota të vdekjes. Sipas informacioneve zyrtare të konfirmuara nga Sektori për Punë e Brendshme (SPB) në Tetovë, rasti është alarmuar nga Reparti Intern i Spitalit Klinik, ku personi i gjendur pa shenja jetësore ishte dërguar për ndihmë mjekësore. "Më datë 08.11.2026, rreth orës 16:35, në SPB Tetovë është marrë njoftimi nga Spitali Klinik se tek ata është sjellë pa shenja jete shtetasi F.S., 37 vjeç, banor i Tetovës", bëjnë të ditur nga policia. Në vendngjarje kanë dalë menjëherë ekipet kompetente, ndërsa nga ana e mjekut kujdestar është konstatuar vdekja, duke theksuar se gjatë kontrollit të parë nuk janë vërejtur shenja të dukshme dhune në trupin e viktimës. Pas përfundimit të ekzaminimeve paraprake dhe këqyrjes së vendit të ngjarjes, me urdhër të prokurorit publik, trupi i pajetë i të ndjerit është dërguar në Institutin e Mjekësisë Ligjore për t'i nënshtruar autopsisë mjeko-ligjore, e cila pritet të hedhë dritë mbi shkaqet e sakta të kësaj humbjeje jetë.