Thomas Aeschi synon Këshillin Federal të Zvicrës dhe drejtimin e Departamentit të Drejtësisë

Kryetari i grupit parlamentar të Partisë Popullore Zvicerane (SVP), Thomas Aeschi, ka zyrtarizuar ambiciet e tij për t'u bërë pjesë e Këshillit Federal. Ai ka paraqitur kandidaturën për të pasuar Guy Parmelinin, duke shprehur njëkohësisht gatishmërinë e plotë për të udhëhequr Departamentin Federal të Drejtësisë dhe Policisë. Në kuadër të këtij dikasteri funksionon edhe Sekretariati Shtetëror për Migracion (SEM), institucion kyç që trajton çështjet e lejeve të qëndrimit, kërkesat për azil dhe procesin e natyralizimit. Këto fusha përbëjnë interes të direkt për diasporën e gjerë shqiptare që jeton dhe vepron në Zvicër. Me origjinë nga qyteti Baar i kantonit të Zugut, Aeschi shërben si deputet në Këshillin Kombëtar që prej vitit 2011, ndërkohë që ka drejtuar grupin parlamentar të SVP-së për një periudhë nëntëvjeçare. Ai angazhohet gjithashtu në komisionet parlamentare për politikë të jashtme, ekonomi dhe taksa, kurse në sferën profesionale operon si konsulent i pavarur ekonomik. Përvoja e tij zgjedhore përfshin edhe garën e vitit 2015 për Këshillin Federal, ku u mposht në raundin e tretë pikërisht nga Parmelini. Trupa parlamentare e SVP-së pritet të zyrtarizojë listën e kandidatëve më 20 nëntor, ndërsa Kuvendi Federal do të mblidhet më 9 dhjetor për të votuar pasardhësin e Parmelinit.