Ylli i Barcelonës mbetet jashtë Spanjës: De la Fuente zbardh arsyet e mospërfshirjes së Gavit

Timonieri i përfaqësueses spanjolle, Luis de la Fuente, ka sqaruar pozicionin e mesfushorit të Barcelonës, Gavi, emri i të cilit mungon sërish në listën më të fundit të kombëtares. Lojtari i ri nuk ishte pjesë e ekipit as gjatë ndeshjeve të muajit tetor. Tekniku spanjoll e kishte bërë të qartë se mesfushorit i duhet përkushtim dhe ngritje në nivel loje për t'u rikthyer sërish në planet e tij strategjike. “Gavi duhet të vazhdojë të jetë vetvetja. Ai e di mirë se i nevojitet punë e mëtejshme dhe zhvillim për të fituar sërish një vend këtu”, deklaroi De la Fuente gjatë konferencës për shtyp. Lideri i stolit spanjoll nënvizoi se rivaliteti brenda kombëtares është mjaft i lartë dhe se secili futbollist duhet të japë maksimumin për të siguruar ftesën. “Nuk është aspak e lehtë, pasi kërkesat tona janë të mëdha dhe të gjithë lojtarët zotërojnë nivel të lartë. Megjithatë, secili prej tyre duhet të vazhdojë të përmirësohet për të qenë pjesë e Kombëtares”, shtoi më tej përzgjedhësi. Në të njëjtën kohë, edhe te skuadra e Barcelonës, Gavi po përballet me vështirësi për të siguruar minuta të mjaftueshme në fushë. Sidoqoftë, ai u inkuadrua si zëvendësues gjatë përballjes së mesjavës në Ligën e Kampionëve. Në sfidat e radhës të vlefshme për Ligën e Kombeve, Spanja do të matë forcat me përfaqësueset e Çekisë dhe Anglisë.