Goditet krimi në Prishtinë: Vihet në pranga 23-vjeçari i dyshuar për një seri vjedhjesh

Operacion i suksesshëm i strukturave të rendit në kryeqytet. Policia e Kosovës ka bërë të mundur kapjen dhe arrestimin e një të riu, i cili dyshohet fuqimisht se është autor i shtatë rasteve të ndryshme të vjedhjeve të regjistruara në zonën e Prishtinës. Sipas informacioneve zyrtare, ky operacion është finalizuar falë angazhimit intensiv dhe punës operative e hetimore të Sektorit të Hetimeve të Kryeqytetit. Pas një sërë veprimesh gjurmuese, uniformat blu kanë identifikuar dhe prangosur të dyshuarin V.H., 23 vjeç, shtetas i Republikës së Kosovës. Pas përfundimit të procedurave policore dhe pas intervistimit zyrtar, është kontaktuar Prokurori i Shtetit. Me vendim të këtij të fundit, i dyshuari është dërguar në qendrën e mbajtjes, ndërkohë që hetimet vijojnë për zbardhjen e plotë të rrethanave të ngjarjeve.