Milan merr tri pikë të arta në udhëtim ndaj Genoas dhe ngjitet në top-katërshen e Serie A

Milani kaarkizuar një fitore të rëndësishme 2-1 jashtë fushe kundër Genoas, në takimin e vlefshëm për javën e 11-të në kampionatin italian Serie A. Kuqezinjtë arritën të dyfishonin avantazhin falë një aksioni të shpejtë, ku Goncalo Ramos dhuroi një pasim perfekt për Christian Pulisic, i cili nuk gaboi nga afër brenda zonës për të shënuar golin e dytë për mysafirët. Genoa u përpoq të reagonte dhe madje gjeti rrjetën në minutën e 30-të përmes Milutin Osmajic, mirëpo pas ndërhyrjes së gjyqtarëve ky gol u anulua për pozicion jashtë loje. Fraksioni i dytë solli një presion më të madh nga vendasit, të cilët shpërblyen përpjekjet e tyre në minutën e 88-të. Mikael Egill Ellertsson realizoi një gol spektakolar me një goditje të fortë drejt këndit të poshtëm, duke përfituar nga asistimi i Tommaso Baldanzit. Pavarësisht tentimeve të fundit, skuadra vendase nuk pati kohë të mjaftueshme për të shmangur humbjen, ndërsa gjiganti italian menaxhoi me sukses avantazhin deri në vërshëllimën përfundimtare. Falë këtij suksesi, skuadra nga Milano ngjitet në vendin e katërt të renditjes tabelore me 24 pikë të tubuara, ndërkohë që Genoa mbetet në pozitën e 13-të me 13 pikë në llogarinë e saj.