Lela Seferi: Paga mesatare nuk më mjafton, ja pse të ardhurat nga rrjetet sociale janë të merituara

Ish-banorja e njohur e shtëpisë më të madhe në vend, Big Brother VIP Kosova, Lela Seferi, ka folur hapur rreth fitimeve nga rrjetet sociale dhe standardit të jetesës, duke theksuar se një pagë mesatare nuk do t'i përshtatej ritmit dhe nevojave të saj të përditshme. Ajo ka sqaruar se ky qëndrim nuk vjen si pasojë e paaftësisë për të menaxhuar apo kursyer paratë, por sepse ajo ka dëshirë të ketë gjithmonë mundësi financiare për të qenë pranë dhe për t'i mbështetur financiarisht njerëzit e saj të dashur. Sipas saj, përtej rehatisë personale, dëshira për t'u dalë në ndihmë familjarëve dhe miqve luan një rol kyç në këtë mes. „Me një pagë mesatare, nuk kisha mujtë edhe me jetu për veti edhe me ju ndihmu personave rreth meje“, është shprehur ajo. Gjatë kësaj bisede, në qendër të vëmendjes kanë qenë edhe paragjykimet me të cilat ballafaqohen vajzat që zgjedhin të fitojnë të ardhura përmes platformave digjitale. E pyetur drejtpërdrejt nëse ato përballen me gjykime më të ashpra krahasuar me gratë e punësuara në zyra, ish-banorja e ka konfirmuar një gjë të tillë, duke e cilësuar si një realitet ende prezent. Ajo shtoi se menaxhimi i rrjeteve sociale, krijimi i përmbajtjes dhe bashkëpunimet për reklama nuk janë aspak aq të lehta sa mund t'i duken publikut, pasi kërkojnë angazhim të lartë, ekspozim të imazhit publik dhe përfshirje të drejtpërdrejtë në fushata marketingu. Në përfundim, Lela theksoi se shifrat që këto vajza sigurojnë janë fryt i mundit dhe përkushtimit të tyre të përditshëm, pavarësisht se ky profesion i ri vazhdon të paragjykohet nga shoqëria.