Prishtina triumfon në Drenas dhe shkëputet në krye të renditjes, vendos perla e Rin Ahmetit

Klubi kryeqytetas ka arkëtuar tri pikë tejet të vlefshme nga udhëtimi në stadiumin “Rexhep Rexhepi” në Drenas, pasi ka mposhtur Vushtrrinë me rezultatin 2:1, duel ky i vlefshëm për javën e 13-të në elitën e futbollit kosovar. Momenti i parë vendimitar i takimit erdhi në minutën e 28-të, kur Rin Ahmeti zhbllokoi shifrat me një ekzekutim fantastik nga afërsisht 16 metra, duke e ndalur topin në këndin e djathtë të portës kundërshtare dhe duke kurorëzuar një aksion të bukur. Për të thelluar epërsinë e bardhekaltërve u kujdes Assane Diatta, i cili në startin e pjesës së dytë, saktësisht në minutën e 49-të, realizoi për 0:2 dhe solli qetësi momentale në radhët e skuadrës së tij. Vushtrriakët nuk u dorëzuan dhe arritën të rifuten në lojë në minutën e 79-të, kur një lëshim dikur i vogël në prapavijën e Prishtinës u shfrytëzua mjaft mirë nga Urim Statovci, i cili ngushtoi shifrat në 2:1, rezultat që mbeti i pandryshuar deri në fund. Falë këtij suksesi, Prishtina përforcon pozitën e parë në tabelë me gjithsej 32 pikë të tubuara, derisa Vushtrria vazhdon të mbetet në zonën e rrezikut, e fundit në vendin e dhjetë me vetëm tri pikë në llogarinë e saj.