Hovi i pandalshëm i parisianëve: PSG regjistron serinë prej 11 fitoresh radhazi

Paris Saint-Germain po shijon një nga fazat më të arta të edicioneve të fundit, duke dëshmuar një dominim absolut në të gjitha fushat ku po garon. Ekipi nën drejtimin e trajnerit Luis Enrique ka arritur të ngjitë shkallët e suksesit duke kapur shifrën e 11 triumfeve radhazi, një statistikë kjo që vulos formën e jashtëzakonshme të skuadrës. Suksesi i radhës u regjistrua në stadiumin “Parc des Princes” ndaj Troyes, ku vendasit triumfuan me rezultatin e ngushtë 1-0. Aktor kryesor i kësaj sfide u bë mbrojtësi nga Ukraina, Illia Zabarnyi, i cili siguroi tri pikët e arta për kryeqytetasit përmes një goli të shënuar me kokë. Gjatë këtij ecurie mbresëlënëse, gjiganti francez ka gjunjëzuar kundërshtarë me peshë në arenën ndërkombëtare dhe vendase, ku spikasin fitoret ndaj Manchester Cityt (4-2), Barcelonës (4-2), Marseille (2-1) dhe Villarrealit (6-0), krahas sfidave të tjera të kaluara me sukses.