Spektakël në shi në Interlagos: Lando Norris rrëmben “pole position”, dita e zezë për Verstappen e Hamilton

Piloti i skuderial McLaren, Lando Norris, ka dominuar sesionin zyrtar të provave në pistën e Interlagos, duke siguruar “pole position” për Çmimin e Madh të Brazilit në Formula 1. Pas një pritjeje prej më shumë se dy orësh dhe në kushte tejet të vështira për shkak të reshjeve të dendura të shiut, britaniku regjistroi kohën më të shpejtë prej 1’27”470. Pozita e dytë i theu shpresat e para për George Russell të Mercedes, i cili megjithatë do të duhet të përballet me një penalizim prej pesë pozicionesh në nisjen e garës. Si rrjedhojë, vendi i parë i nisjes krah fituesit të “pole-it” për sfidën e së dielës në mbrëmje, e cila nis në orën 18:00, do t'i takojë bashkëkombësit dhe shokut të tij të skuadrës, Kimi Antonelli, që e mbylli sesionin e sotëm i treti. Më tej, Charles Leclerc me Ferrari u rendit i katërt, por për shkak të një penalizimi prej 10 pozicionesh, piloti monegask do ta nisë garën zyrtare nga pozita e 14-të. Ndërkohë, dhjetërsia më e mirë u plotësua nga Liam Lawson, Nico Hulkenberg, Isack Hadjar, Oliver Bearman, Fernando Alonso dhe Alexander Albon. Nga ana tjetër, gara do të jetë një sfidë e vërtetë ngjitjeje për Lewis Hamilton dhe Max Verstappen, dy nga protagonistët që luftojnë për vendin e dytë në kampionatin e përgjithshëm, pasi ata do ta nisin garën nga fundi i grilës. Provat zyrtare u zhvilluan në një mjedis tejet sfidues për shkak të motit të keq, ku kushtet ekstreme në fund sollën fituesin e madh, Lando Norris.